Transcription
1
Monsieur, monsieur d’Ourche est party à stheure icy dyer
2
qui va coucher à Montelliers pour en envoyer Charpey en
3
Lorreyne. Il masseure que madame d’Ourche, madamoyselle
4
d’Ourche et madamoyselle de Sainct Priers sont en bonne
5
sancté. Jay heu des lettres de la court quilz ne contiennent
6
sy non ce quil vous a pleu me mander fortz que monsieur
7
le mareschal de Dampville mande quatre grandz chevaulx
8
à monsieur de Savoye que Beaufort luy mène, lequel
9
repassera par icy à son retour. Monsieur d’Ourche a
10
faict tenir lauttour que mandiés à madame de Gordes.
11
Je ne scay sy avés sceu commant madamoyselle
12
de Caderousse cest afollée pour une freieur quelle
13
heust en passant une eaue se retirant de Caderousse
14
en une aultre maison pour changer dair, à cause
15
dune grande malladie qui estoyt audit Caderousse.
16
Monsieur de Suze est tousjours attendant la venue
17
de monsieur de Nevers et a deslibéré de luy faire
18
grand tryonfe ; que sera la fin, après vous
19
avoyr supplié me commander votre bon vouloyr pour
20
icelluy toute ma vie acomplir daussy bon cueur
21
que me recommande très humblement à votre bonne grace,
22
pryant Dieu
23
[v] monsieur, qui vous ayt en sa garde. De votre maison de
24
Montoyson, ce XXVIIme aoust 1571
25
Votre très humble et aubeisant
26
Servyteur
27
Montoyson
28
Monsieur les enhque namais [ huguenaulx ?] de ce peys font courir le bruyt
29
que monsieur lamyral sen vyent à la cour surperin-
30
tandant de tous les afères du royaume, ce que je ne croy.
31
Monsieur, la dame de seeans se recommande
32
très humblement à votre bonne grace.